"PAŞA Holdinq"in banklarının rəhbərliyində dəyişiklik olub

"PAŞA Holdinq" MMC-yə məxsus "PAŞA Bank" və "Kapital Bank" ASC-lərin rəhbərliyində dəyişiklik olub.

FinFly xəbər verir ki, "PAŞA Bank"ın müşahidə şurasını (MŞ) Mir Camal Paşayev tərk edib, onun yerinə Rövşən Allahverdiyev təyin edilib.

O, indiyə qədər "Kapital Bank"ın MŞ-nın sədri vəzifə olub. Bu vəzifə isə Fərid Məmmədova həvalə olunub.

"PAŞA Bank" 2007-ci ildə yaradılıb. Nizamnamə kapitalı 354,512 milyon manatdır. Bankın səhmlərinin 56,8 faizi daxil olduğu "PAŞA Holdinq"ə, 28,2 faizi "Bless" MMC-yə, 10 faizi Arif Paşayevə, 5 faizi isə Mircamal Paşayevə məxsusdur.

“Kapital Bank” isə 2006-cı ildə yaradılıb. Onun nizamnamə kapitalı 265,85 milyon manatdır. Bankın əsas səhmdarı "PAŞA Holdinq"dir. 

---