2024-cü ildə Azərbaycan qazının Avropa, Türkiyə və Gürcüstana ixracının həcmi açıqlanıb

2024-cü ildə Cənub Qaz Dəhlizi vasitəsilə Avropa, Türkiyə və Gürcüstana ümumilikdə 24,6 milyard kubmetr Azərbaycan qazı ixrac edilib.

FinFly bu barədə Azərbaycan Nazirlər Kabinetinin 2024-cü il üzrə fəaliyyəti haqqında hesabata istinadən xəbər verir.

“Əgər 2021-ci ildə Avropaya qaz ixracı 8 milyard kubmetrdən bir qədər çox olubsa, 2024-cü ildə ixracın həcmi demək olar ki, 13,2 milyard kubmetrə çatıb, Azərbaycan qazını alan Avropa ölkələrinin sayı isə 10-a çatıb.

Cənub Qaz Dəhlizi layihəsinin Avropanın enerji təhlükəsizliyində rolunu nəzərə alaraq, Avropa Komissiyası Azərbaycanı etibarlı tərəfdaş və ümumAvropa qaz təchizatçısı kimi qiymətləndirir”, - hesabatda qeyd olunur.

Avropa İttifaqı ilə Azərbaycan arasında enerji sahəsində strateji tərəfdaşlığa dair imzalanmış anlaşma memorandumuna əsasən, 2027-ci ilə qədər Avropaya nəql olunacaq qazın həcmi iki dəfə artırılmalıdır.

---