2032-ci ilə qədər AZAL yeni təyyarələr alacaq

16 Apr, 2025 16:57

"Azərbaycan Hava Yolları" QSC-nin (AZAL) donanmasına yeni Airbus və Boeing təyyarələrinin alınması 2032-ci ilə qədər planlaşdırılır.

FinFly xəbər verir ki, bunu AZAL-ın Strategiya və Biznesin İnkişafı Departamentinin rəhbəri Vasif Manaflı deyib.

Onun sözlərinə görə, bu gün AZAL-ın təyyarələrin orta yaşı 14 ildir.

"Bu göstərici müştəri məmnuniyyətinin azalmasına və istismar xərclərinin artmasına təsir göstərir. 2023-cü ildə biz yenilənməsi çərçivəsində 3 Airbus təyyarəsi istifadəyə verdik. Bundan əlavə, bu istiqamətdə artıq ciddi addımlar atılıb. Ən böyük nailiyyətlərdən biri də Airbus-da yeni təyyarələrin alınması üçün müqavilələrin imzalanması olub. Təyyarələrin AZAL donanmasına təhvil verilməsi 2032-ci ilə qədər davam edəcək", deyə, Manaflı qeyd edib.

Hazırda AZAL-ın donanması müxtəlif tipli 25 təyyarədən ibarətdir. Eyni zamanda, artan sərnişin axınını təmin etmək üçün aviaşirkət üç Airbus A320 təyyarəsini müvəqqəti olaraq icarəyə götürüb.