AAM qızıl yatağında tammiqyaslı hasilata başlayıb

19 May, 2025 11:25

Britaniya şirkəti Anglo Asian Mining Plc. (AAM) Azərbaycanda qızıl, gümüş və mis istehsalçısı mayın 19-da Daşkəsən rayonundakı Gilər qızıl yatağında tam miqyaslı hasilata başladığını elan edib.

FinFly şirkətinin press-relizinə istinadən xəbər verir ki, hazırda "4-cü zona"-da mədən işləri aparılır.

"Biz günə təxminən 2 min ton filiz hasil etməyi planlaşdırırıq", - məlumatda deyilir.

Bildirilir ki, həcmlərin tədricən artırılmasından sonra mədəndə hasilat ayda 50-60 min ton filizə çatacaq.

"Biz Gilar-da tam miqyaslı istehsalın başlandığını elan etməkdən məmnunuq. 54,000 tondan çox mis və 255,000 unsiya qızıl ehtiyatları ilə Gilar, orta səviyyəli mis istehsalına keçid strategiyamızda əsas rol oynayacaq", - Anglo Asian Mining-in baş direktoru Rezari press-relizdə bildirib.

Gilarda ilk filiz hasilatına 2025-ci ilin martında başlanılıb. 4-cü zonanın ehtiyatları 1,47 faiz mis və 1,78 q/t qızıl olan 2,4 milyon ton filiz olaraq qiymətləndirilir. Ümumilikdə, AAM 2025-ci ildə Gilar-da təxminən 400.000 ton filiz hasil etməyi gözləyir.