Aİ İrana qarşı yeni sanksiyalar tətbiq edə bilər

Avropa İttifaqı etiraf edir ki, Tehranın nüvə proqramının bərpasının qarşısını almaq üçün İrana qarşı sanksiyalara qayıda bilər.

FinFly xəbər verir ki, bu barədə Aİ-nin diplomatik xidmətinin rəhbəri Kaja Kallas Aİ-yə üzv ölkələrin xarici işlər nazirlərinin görüşünə gələrkən deyib.

"JCPOA İranın öhdəliklərini ehtiva edir və həmçinin bu ölkənin nüvə proqramı ilə bağlı vəziyyət yaxşılaşmayacağı təqdirdə sanksiyaların yenidən tətbiqinə imkan verən mexanizm də var", - Kallas bildirib. “İran iqtisadiyyatı çox yaxşı işləmir və bu, İran xalqı üçün yaxşı deyil, biz İranın nüvə proqramını bərpa etməməsi üçün çalışırıq", - deyə qeyd edib.

O, həmçinin deyib ki, Hörmüz boğazının İran tərəfindən bağlanması böyük təhlükə olacaq, ona görə də Aİ xarici işlər nazirləri münaqişənin diplomatik yolla həlli imkanlarını müzakirə edəcəklər.

---