Aİ müdafiəyə ÜDM-in 2%-dən çoxunu xərcləməlidir - Avropa komissarı

İqtisadiyyat üzrə Avropa komissarı Valdis Dombrovskis hesab edir ki, Avropa İttifaqı ÜDM-in 2 faizindən çoxunu müdafiəyə xərcləməlidir.

FinFly xəbər verir ki, bu barədə Avropa komissarı İspaniyanın "El Mundo" qəzetinə müsahibəsində bildirib.

"Bütün üzv dövlətlər tərəfindən Aİ-nin müdafiəyə daha çox xərcləməsi lazım olduğu geniş şəkildə qəbul edilir və biz üzv dövlətlərə bunu etmək üçün onlara əlavə fiskal maliyyə verəcəyik”, - deyə Dombrovskis  qeyd edib.

Onun sözlərinə görə, aydındır ki, Aİ ölkələri müdafiəyə hazırkı 2 faizlik hədəfdən daha çox xərcləməli olacaqlar.

"Biz artıq Soyuq Müharibə bitdikdən sonra mövcud olan sözdə sülh dividendlərindən faydalana biləcəyimiz bir vəziyyətdə deyilik", - deyə Avropa komissarı vurğuladı.

ABŞ prezidenti Donald Tramp demişdi ki, Aİ ölkələri ÜDM-in 5 faizini müdafiəyə xərcləməlidirlər.

---