AMB MDM-ə inkişaf strategiyasının 2024-cü il üzrə hesabatının ictimaiyyətə açıqlanmasını tövsiyə edib

22 May, 2025 17:23

Milli Depozit Mərkəzinin (MDM) 2024-2026-cı illər üzrə İnkişaf Strategiyasının 2024-cü il üzrə icra vəziyyəti barədə hesabat MDM-in Müşahidə Şurası və İdarə Heyəti tərəfindən Azərbaycan Mərkəzi Bankının rəhbərliyinə təqdim edilib.

FinFly MDM-ə istinadən xəbər verir ki, hesabatda strategiyada müəyyən olunmuş hədəflərə nail olmaq üçün 2024-cü il üzrə icra edilən fəaliyyətlər barədə ətraflı məlumat verilib. Həmçinin gecikmədə olan fəaliyyətlər və onların icra edilməsi ilə bağlı atılacaq növbəti addımlar Mərkəzi Bankın rəhbərliyinin diqqətinə çatdırılıb.

AMB-nin rəhbərliyi hesabatın icra statusunu məqbul hesab edərək, strateji təşəbbüslərin həyata keçirilməsi ilə bağlı öz tövsiyələrini verib və qeydlərini bildirib.

Mərkəzi Bankın rəhbərliyi tərəfindən MDM-in İnkişaf Strategiyasının 2024-cü il üzrə icra statusunun qısa zaman ərzində ictimaiyyətə kommunikasiya edilməsi tövsiyə olunub.