AYİB-in Azərbaycandakı layihələr portfelinin həcmi açıqlanıb

30 iyun 2025-ci il tarixinə Avropa Yenidənqurma və İnkişaf Bankının (AYİB) Azərbaycandakı cari kredit portfeli 948 milyon avro həcmində qiymətləndirilir.

FinFly-nin AYİB-ə istinadən verdiyi məlumata görə, portfelin 38 faizi özəl sektordadır.

Eyni zamanda, hazırda 34 layihə aktivdir.

31 may 2025-ci il tarixinə olan göstərici ilə müqayisədə portfelin həcmi 4,34 faiz və ya 43 milyon avro azalıb.

AYİB-in məlumatına görə, cari portfelin əsas hissəsi - 89 faiz (846 milyon avro) dayanıqlı infrastrukturun inkişafına yönəlib, 6 faizi (54 milyon avro) maliyyə institutlarına, digər 5 faizi (48 milyon avro) isə korporativ sektorun payına düşür.

---