Azərbaycan bankları avro satışını azaldıb

2025-ci ilin may ayında Azərbaycanda fəaliyyət göstərən banklar 22,745 milyon avro alqı-satqısı həyata keçirib.

FinFly Dövlət Statistika Komitəsindən əldə etdiyi məlumata görə, bu göstərici ötən ilin eyni dövrü ilə müqayisədə 5,027 milyon avro və ya 18,1 faiz azalıb. Belə ki, 2024-cü ilin may ayı ərzində banklar 27,772 milyon avro alqı-satqısı həyata keçirmişdi.

Hesabat dövründə bankların avro alışının həcmi 11,906 milyon avro, satışının həcmi isə 10,839 milyon avro olub.

Avro alışı illik müqayisədə 973 min avro və ya 9 faiz artıb, satışı isə 6 milyon avro, yaxud da 35,6 faiz azalıb.

2024-cü ilin bəhs olunan dövründə banklar 10,933 milyon avro alış, 16,839 milyon avro satış həyata keçirmişdi.

---