Azərbaycan Mərkəzi Bankının (AMB) sədrinin I müavini Əliyar Məmmədyarov "Azərbaycan Banklar Assosiasiyası" (ABA) İctimai Birliyinin Rəyasət Heyətinin geniş tərkibinə daxil olan bankların rəhbər şəxsləri ilə görüşüb.
FinFly bu barədə AMB-yə istinadən xəbər verir.
Məlumata görə, görüşdə bu ilin I rübü üzrə bank sektorunun fəaliyyət nəticələri, üzləşdiyi çağırışlar, ümumilikdə sektorun davamlı inkişafına dair prioritetlər müzakirə olunub, həmçinin qlobal makroiqtisadi vəziyyət, eləcə də bank sektorunda risk əsaslı tənzimləmə və nəzarətin gücləndirilməsi barədə hədəflər və planlar ətrafında fikir mübadiləsi aparılıb.
