Azərbaycan elektrik enerjisi ixracını 36 artırıb

2025-ci ilin ilin yanvar-fevral aylarında Azərbaycanda elektrik enerjisinin ixracı 301,5 milyon kVt/saat təşkil edib.

FinFly-ın xəbərinə görə, bu barədə Energetika Nazirliyinin açıqladığı elektrik enerjisi göstəriciləri ilə bağlı operativ məlumatlarında deyilir.

Məlumata əsasən, 2024-cü ilin yanvar-fevral ayı ilə müqayisədə 79,9 milyon kVt/saat və ya 36 faiz çoxdur.

Hesabat dövründə ölkəyə elektrik enerjisinin idxalı 19,5 milyon kVt/saat təşkil edib. Bu da 2024-cü ilin eyni dövrü ilə müqayisədə 13 milyon kVt/saat və ya 40 faiz azdır.

Bu ilin fevral ayında Azərbaycandan elektrik enerjisinin ixracı 39,4 milyon kVt/saat və ya 36,9 faiz  artaraq 146,1 milyon kVt/saat təşkil edib.

Ötən ay Azərbaycana elektrik enerjisinin idxalı 8,4 milyon kVt/saat təşkil edib ki, bu da 2024-cü ilin eyni ayı ilə müqayisədə 5,1 milyon kVt/saat və ya 37,8 faiz  azdır.

Xatırladaq ki, 2024-cü ilin yanvar-fevral aylarında Azərbaycanda elektrik enerjisinin ixracı 221,6 milyon kVt/saat, idxalı isə 32,5 kVt/saat olub. Ötən ilin fevral ayında isə elektrik enerjisinin idxalı 13,5 milyon kVt/saat, ixracı isə 106,7 milyon kVt/saat təşkil edib.

---