Azərbaycan Gürcüstana qaz satışını azaldıb

Bu ilin yanvar-aprel aylarında Azərbaycandan Gürcüstana 900 milyon kubmetr qaz ixrac edilib.

FinFly xəbər verir ki, bu göstərici ötən ilin eyni dövrü ilə müqayisədə 200 milyon kubmetr və ya 18,2 faiz azdır.

Belə ki, 2024-cü ilin yanvar-aprel aylarında Azərbaycan Gürcüstana 1,1 milyard kubmetr qaz satmışdı.

Qeyd edək ki, bu ilin yanvar-aprel aylarında ölkədə 16,7 milyard kubmetr təbii qaz hasil edilib. Qazın 4,5 milyard kubmetri “Azəri-Çıraq-Günəşli”nin, 9 milyard kubmetri “Şahdəniz”in, 0,5 milyard kubmetri “Abşeron” yatağının, 2,7 milyard kubmetrə yaxını isə SOCAR-ın payına düşüb.

Hesabat dövründə xaricə qaz satışı 8 milyard kubmetr təşkil edib. Bundan 4 milyard kubmetr Avropaya, 3,1 milyard kubmetr Türkiyəyə (o cümlədən TANAP-la 1,9 milyard kubmetr), 0,9 milyard kubmetr Gürcüstana satılıb.

---