2025-ci ilin yanvar-aprel aylarında Azərbaycanda əsas kapitala 5 milyard 69,3 milyon manat və yaxud ötən ilin eyni dövrü ilə müqayisədə 4,6 faiz az investisiya yönəldilib.
FinFly Dövlət Statistika Komitəsinə istinadən xəbər verir ki, son 1 ildə neft-qaz sektoruna yönəldilmiş investisiyalar 22,7 faiz azalıb, qeyri neft-qaz sektoruna yönəldilmiş investisiyalar isə 5,3 faiz artıb.
4 ay ərzində istifadə olunmuş investisiyanın 2 milyard 578,8 milyon manatı və yaxud 50,9 faizi məhsul istehsalı sahələrinə, 1 milyard 627,6 milyon manatı və yaxud 32,1 faizi xidmət sahələrinə, 862,9 milyon manatı və yaxud 17 faizi isə yaşayış evlərinin tikintisinə sərf olunub.
Hesabat dövründə əsas kapitala yönəldilmiş investisiyaların 3 milyard 772,4 milyon manatını və yaxud 74,4 faizni daxili investisiyalar təşkil edib, 3 milyard 969,3 milyon manatı və yaxud 78,3 faizi bilavasitə tikinti-quraşdırma işlərinin yerinə yetirilməsinə sərf olunub.
Son xəbərlər
-
13 Iyn, 2025Blum TON ekosisteminə diqqət yetirir...
-
13 Iyn, 2025Azərbaycan iqtisadiyyatı böyüyüb...
