Azərbaycan Mərkəzi Bankı ABŞ-da keçiriləcək maliyyə konfransında iştirak edəcək

Azərbaycan Mərkəzi Bankının (AMB) sədrinin birinci müavini Əliyar Məmmədyarovun rəhbərlik etdiyi nümayəndə heyəti ABŞ-də keçiriləcək "Azərbaycan, Gürcüstan, Türkiyə və ABŞ arasında maliyyə tərəfdaşlığının gücləndirilməsi" mövzusunda regional maliyyə konfransında iştirak edəcək.

FinFly AMB-yə istinadən xəbər verir ki, tədbiri ABŞ-Azərbaycan Ticarət Palatası təşkil edəcək.

"Azərbaycan nümayəndə heyəti ABŞ-nin paytaxtı Vaşinqtonda keçiriləcək Dünya Bankı və Beynəlxalq Valyuta Fondunun Yaz Toplantılarına qatılacaq, müxtəlif tədbirlərdə və AMB ilə əməkdaşlıq edən bir sıra maliyyə-investisiya institutlarının rəhbərliyi ilə ikitərəfli görüşlərdə iştirak edəcək", - deyə, Mərkəzi Bankın məlumatında qeyd olunur.

---