Azərbaycan neft məhsullarının ixracından nə qədər gəlir əldə edib?

2025-ci ilin yanvar-aprel aylarında Azərbaycan 71 931,93 min ABŞ dolları dəyərində 160 385,87 ton neft məhsulları ixrac edib.

FinFly Dövlət Gömrük Komitəsinin  hesabatının göstəriciləri əsasında apardığı hesablamalara görə, bu müddət ərzində Azərbaycanın ixrac etdiyi neft məhsullarının dəyəri 2024-cü ilin müvafiq dövrü ilə müqayisədə 39,3 faiz, həcmi isə 11 faiz azdır.

Ötən il Azərbaycan 334 918,14 min ABŞ dolları dəyərində 537 628,46 ton neft məhsulları ixrac edib. Hesabat dövründə Azərbaycanın ixrac etdiyi neft məhsullarının dəyəri 2023-cü ilin göstəricisi ilə müqayisədə 41,5 faiz, həcmi isə 42 faiz azalıb.

---