Azərbaycan qazının Ukraynaya tədarükü üzrə pilot layihə başa çatıb - Nazir

Trans-Balkan dəhlizi ilə Azərbaycandan Ukraynaya qaz nəqli üzrə pilot layihə artıq başa çatıb.

FinFly xəbər verir ki, bu barədə Ukraynanın energetika naziri Svetlana Qrinçuk bildirib.

Onun sözlərinə görə, hazırda bu cür tədarüklərin davam etdirilməsi üçün müqavilənin hazırlanması istiqamətində iş aparılır.

"Danışıqlar gedir. Azərbaycan bunda maraqlıdır. Müqavilə bağlanarsa, biz (2025-ci ildə tədarük) davam edəcəyik", - Qrinçuk bildirib.

O, həmçinin qeyd edib ki, ruslar son vaxtlar idxal əməliyyatlarını təmin edən qaz infrastrukturuna hücumları gücləndirdiyi üçün hərbi risklər var.

---