Azərbaycan və Gürcüstan Bakı-Tbilisi-Qars layihəsi çərçivəsində birgə səyləri müzakirə ediblər

Azərbaycan və Gürcüstan Bakı-Tbilisi-Qars (BTQ) dəmir yolu marşrutunun tam istifadəyə verilməsi üçün birgə səyləri müzakirə ediblər.

FinFly xəbər verir ki, bu barədə X sosial şəbəkəsində rəqəmsal inkişaf və nəqliyyat naziri Rəşad Nəbiyev Bakıda Gürcüstanın iqtisadiyyat və davamlı inkişaf naziri Mariam Kvrivişvili ilə danışıqların yekunlarına dair paylaşıb.

"Biz ölkələrimiz arasında nəqliyyat sahəsində əməkdaşlığın hazırkı səviyyəsini və perspektivlərini, həmçinin BTQ layihəsinin tam işə salınması üçün birgə səyləri müzakirə etdik", - Nəbiyev qeyd edib.

Nazirin sözlərinə görə, danışıqların gündəliyinə avtomobil nəqliyyatı sahəsində normativ-hüquqi bazanın təkmilləşdirilməsi, İKT, rəqəmsal transformasiya, süni intellekt və innovasiya sahələrində potensial əməkdaşlıq məsələləri də daxil edilib.

---