Azərbaycan və Gürcüstan gələn həftə Qara dənizdən Avropaya uzanan "yaşıl enerji" dəhlizi olan Qara Dəniz Enerji (Black Sea Energy) layihəsini müzakirə etmək üçün işçi görüş keçirəcək.
FinFly xəbər verir ki, bu barədə Gürcüstanın İqtisadiyyat və Davamlı İnkişaf Nazirliyinin nümayəndəsi Omar Tsereteli Bakıda keçirilən “Yaşıl Enerji Həftəsi 2025: Azərbaycan və Mərkəzi Asiya” tədbirində məlumat verib.
O bildirib ki, qonşu ölkələrlə əməkdaşlıq çərçivəsində Gürcüstan Azərbaycanla birgə Qara dəniz enerjisi layihəsini həyata keçirir. Bu layihənin bir hissəsi kimi tərəflər "yaşıl hidrogenin Rumıniya və Avropaya boru kəmərləri və ya dəniz marşrutları vasitəsilə tədarükü, tranziti və ixracı üçün ideyalar hazırlamağa və nə edilməli olduğunu qiymətləndirməyə" davam edir. Ölkələr həmçinin potensial və mümkün ixrac marşrutlarını müəyyənləşdirməyə davam edirlər.
"Biz bir həftə əvvəl işçi qrupunun iclasını keçirdik, gələn həftə daha bir iclas olacaq. Ümid edirik ki, bu fəaliyyətlər yaxın gələcəkdə həqiqətən də məhsuldar nəticələr verəcək", - deyə əlavə edib.
Son xəbərlər
-
23 Noy, 2025İran quru qoşunlarına yeni komandan təyin etdi...
