Azərbaycan və Qırğızıstanın kənd təsərrüfatı sahəsində yeni perspektivlər var

Azərbaycan və Qırğızıstanın kənd təsərrüfatı sahəsində ikitərəfli əməkdaşlığın genişləndirilməsi üçün yaxşı perspektivləri var.

FinFly Qırğızıstanın "Kabar" agentliyinə istinadən verdiyi məlumata görə, bunu Azərbaycanın kənd təsərrüfatı naziri Məcnun Məmmədov Qırğızıstana rəsmi səfəri zamanı deyib.

"Səfər zamanı nazir Çuy vilayətində bir sıra kənd təsərrüfatı müəssisələrinin fəaliyyəti ilə tanış olub. O, "Altun Araşan" və "Araşan Malek" fermer təsərrüfatlarına xüsusi diqqət yetirib. Məmmədov Azərbaycan və Qırğızıstan arasında aqrar sahədə ikitərəfli əməkdaşlığın genişləndirilməsi üçün geniş perspektivlərin olduğunu qeyd edib", - məlumatda deyilir.

Azərbaycan Kənd Təsərrüfatı Nazirliyinin rəhbəri təsərrüfatlarda tətbiq edilən müasir kənd təsərrüfatı texnologiyalarını, səmərəli heyvandarlıq üsullarını öyrənib.

---