Azərbaycanda 2 ayda vətəndaşlara nə qədər ƏDV qaytarılıb?

11 Mar, 2025 16:22

2025-ci ilin yanvar-fevral aylarında pərakəndə ticarət və ya ictimai iaşə fəaliyyəti göstərən şəxslərdən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla), tibb müəssisələri və özəl tibbi praktika ilə məşğul olan fiziki şəxslər tərəfindən göstərilən tibbi xidmətlərə görə ödənilmiş ƏDV-nin 30,7 milyon manatdan çox hissəsi fiziki şəxs olan istehlakçılara geri qaytarılıb.

FinFly-ə bu barədə Dövlət Vergi Xidmətindən məlumat verilib.

Bununla yanaşı, “ƏDV geri al” layihəsi çərcivəsində fiziki şəxs olan istehlakçılara bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin yanvar-fevral ayları ərzində qaytarılan həcmi 6,2 milyon manata yaxın olub.