Azərbaycanda ictimai nəqliyyatda ödənişlər bank kartı ilə olacaq

Azərbaycanda dəmir yolu ilə yanaşı digər nəqliyyat vasitələrində də gedişhaqqını kartla ödəmək üçün təkliflər aidiyyəti dövlət qurumlarına təqdim edilib.

FinFly xəbər verir ki, bunu "Azərbaycan Beynəlxalq Bankı" ASC-nin İdarə Heyətinin sədri Abbas İbrahimov deyib.

Onun sözlərinə görə, hazırda dəmir yolunda ödənişi təkcə kartla deyil, həm də Apple Pay və Google Pay vasitəsi ilə ödəmək olur. 

"Digər ictimai nəqliyyat vasitələrində kartdan istifadə ilə bağlı təkliflərimiz müvafiq qurumlara vermişik. Əgər onlardan müsbət rəy olsa, bununla bağlı hazırlığımız və bilik-bacarığımız var. Bu xidmətin əhatə dairəsini sürətlə genişləndirə bilərik", - deyə o qeyd edib. 

---