Azərbaycanda külək enerjisinin istehsalı 22 dəfə artıb

2026-cı ilin yanvar ayında Azərbaycanda külək elektrik stansiyalarında 56,1 milyon kVt/saat elektrik enerjisi istehsal edilib.

FinFly Dövlət Statistika Komitəsinə istinadən verdiyi məlumata görə, bu, ötən ilin yanvar ilə müqayisədə 21,6 dəfə çoxdur.

Hesabat ayında Azərbaycanda 2 milyard 257 milyon kVt/saat elektrik enerjisi istehsal edilib ki, bu da 1 il əvvələ nisbətən 3,8 faiz azdır. Bunun 2 milyard 186,6 milyon kVt/saatı əmtəəlik elektrik enerjisi olub ki, bu da illik müqayisədə 3,5 faiz azdır.

Aylıq istehsalın 133,4 milyon kVt/saatı su elektrik stansiyalarının (38,5 faiz az), 1 milyard 978,6 milyon kVt/saatı isə istilik elektrik stansiyalarının (2,5 faiz az), 22,1 milyon kVt/saat tullantıların yandırılmasından alınan elektrik enerjisinin (21,1 faiz çox) payına düşüb.

Hesabat dövründə günəş elektrik stansiyalarında 18,5 milyon kVt/saat elektrik enerjisi istehsal edilib ki, bu da 2025-ci ilin yanvar ayının göstəriciləri ilə müqayisədə 15,6 faiz çoxdur.

---