Azərbaycanda nə qədər benzin istehsal olunub?

2025-ci ilin yanvar-aprel aylarında Azərbaycanda 424,4 min ton avtomobil benzini istehsal edilib.

Dövlət Statistika Komitəsindən FinFly-ə verilən məlumata görə, bu göstərici 2024-cü ilin eyni dövrü ilə müqayisədə 87,2 min ton və ya 17 faiz azdır.

Ötən ilin yanvar-aprel aylarında ölkədə 511,6 min ton avtomobil benzini istehsal edilib.

Bu il mayın 1-nə hazır məhsul ehtiyatı 44 min ton təşkil edib.

Hesabat dövründə Azərbaycanın neft məhsulları sektorunda ümumi istehsalın dəyəri 1 milyard 607 milyon manat təşkil edib ki, bu da 2024-cü ilin eyni dövrü ilə müqayisədə təxminən 10 faiz azdır.

---