Azərbaycanda neft emalı azalıb

2025-ci ilin yanvar-aprel aylarında Azərbaycanda 1,8 milyon ton neft emal edilib.

FinFly xəbər verir ki, bu göstərici ötən ilin eyni dövrü ilə müqayisədə 400 min ton və ya 18,2% azdır.

Belə ki, keçən ilin yanvar-mart aylarında ölkədə neftin emalı 2,2 milyon tona yaxın təşkil edib.

Qeyd edək ki, bu ilin yanvar-aprel ayları üzrə operativ məlumatlara əsasən respublikada 9,1 milyon ton neft (kondensatla birlikdə) hasil edilib. Hasilatın 5,3 milyon tonu "Azəri-Çıraq-Günəşli"nin, 1,3 milyon tonu (kondensat) "Şahdəniz"in, 0,2 milyon tonu (kondensat) "Abşeron" yatağının payına düşüb. SOCAR üzrə neft (kondensatla birlikdə) hasilatı 2,3 milyon ton təşkil edib.

O cümlədən, gündəlik neft (kondensatla birlikdə) hasilatı 75,1 min ton (566 min barrel) olub. Bunun 61,6 min tonunu (455 min barrel) xam neft, 13,5 min tonunu (111 min barrel) kondensat təşkil edib.

---