Azərbaycanın bank sektorunun aktivləri artıb

29 Avq, 2025 12:31

2025-ci il avqustun 1-nə Azərbaycanın bank sektorunun aktivləri 55 milyard 700,1 milyon manat təşkil edib.

FinFly Azərbaycan Mərkəzi Bankına istinadən xəbər verir ki, bu, ötən il avqustun 1-i ilə müqayisədə 13,5 faiz çoxdur.

Bankların aktivlərinin 26 milyard 792,5 milyon manatını müştərilərə verilmiş xalis kreditlər təşkil edib. Son 1 ildə sektorun kredit portfeli 10,7 faiz böyüyüb, kreditlərin aktivlərdəki payı isə 49,3 faizdən 48,1 faizə düşüb.

Hesabat dövründə bank sektorunun öhdəlikləri 13,6 faiz artaraq 48 milyard 689,7 milyon manata, o cümlədən depozit portfeli 6,6 faiz artaraq 36 milyard 650,9 milyon manata çatıb. Bunun 15 milyard 113,9 milyon manatı fiziki, 21 milyard 537 milyon manatı isə hüquqi şəxslərin depozitləridir. İl ərzində əhalinin banklardakı vəsaitləri 10,6 faiz artıb, şirkətlərin banklardakı vəsaitləri isə 3,9 faiz artıb.

Son 1 ildə bankların Azərbaycan Mərkəzi Bankı qarşısında öhdəliyi isə 89,6 dəfə azalaraq 0,5 milyon manat olub.

Sektorun balans kapitalı isə 12,8 faiz artaraq 7 milyard 10,4 milyon manat təşkil edib.