Azərbaycanın iqtisadi artımı 2029-cu ilə qədər ildə 3,5% olacaq - proqnoz

2026-2029-cu illərdə Azərbaycanda ÜDM-in orta illik artımı 3,5 faiz təşkil edəcək.

FinFly-nin Maliyyə Nazirliyinin məlumatına istinadən verdiyi xəbərə görə, qeyd olunan dövrdə Azərbaycanın qeyri-neft-qaz sektorunda artım 4,9 faiz təşkil edəcək.

2026-cı ildə ÜDM-in artımı 2,9 faiz səviyyəsində proqnozlaşdırılır. Eyni zamanda, gələn il qeyri-neft-qaz sektorunda artımın 5 faiz, neft-qaz sektorunda isə azalmanın 2,4 faiz olacağı gözlənilir.

2027-ci ildə ÜDM-in artımı 3,3 faiz, o cümlədən qeyri-neft-qaz sektorunda artım - 4,8 faiz, neft-qaz sektorunda isə azalma 1,3 faiz səviyyəsində proqnozlaşdırılır.

2028-ci ildə ÜDM-in artımının 3,1 faiz, o cümlədən qeyri-neft-qaz sektorunda artım - 5 faiz, neft-qaz sektorunda isə azalmanın 3,2 faiz olacağı gözlənilir.

2029-cu ildə iqtisadi artımın 4,8 faiz, o cümlədən qeyri-neft-qaz sektorunda artımın 4,9 faiz, neft-qaz sektorunda isə 4,7 faiz olacağı proqnozlaşdırılır.

Proqnozda qeyd olunur ki, nominal ÜDM 2026-cı ildəki 134,1 milyard manatdan 2029-cu ildə 161,8 milyard manata yüksələcək.

O da bildirilir ki, 2030-cu ilə qədər Azərbaycanın ÜDM-də qeyri-neft-qaz sektorunun payı 80 faizə çatacaq.

---