Azərbaycanın turizm üzrə hədəf bazarları müəyyən edib

Gəlmə turizmdə Azərbaycan üçün prioritet bazarlar kimi Türkiyə, İran, Səudiyyə Ərəbistanı, Qazaxıstan, Almaniya, Çin və Pakistan seçilib.

FinFly xəbər verir ki, bu barədə Dövlət Turizm Agentliyi (DTA) bildirib.

"Həmin ölkələrdən turist axınının artırılması məqsədilə hava əlaqələrinin genişləndirilməsi və vizasız rejimin tətbiqi nəzərdə tutulur", - DTA qeyd edir.

Agentlik vurğulayır ki, sözügedən ölkələr qonşu ölkələr, Körfəz regionu, Orta və Şərqi Asiya, eləcə də Avropa bazarlarını əhatə edir və bu istiqamətlər turizmin davamlı inkişafı üçün əsas hədəf hesab olunur: "Hədəf bazarlarda Azərbaycanın turizm imkanlarının tanıdılması məqsədilə sistemli marketinq və kommunikasiya tədbirləri də həyata keçiriləcək".

---