Azərbaycanın valyuta ehtiyatları xarici borcundan təxminən 16 dəfə artıqdır - İlham Əliyev

Bu yaxınlarda iki aparıcı beynəlxalq reytinq agentliyi ("Moody"s" və "Fitch") Azərbaycanın reytinqini artırdı.

FinFly xəbər verir ki, bu barədə Azərbaycan Prezidenti İlham Əliyev BMT Baş Assambleyasının 80-ci sessiyasındakı çıxışı zamanı bildirib.

Dövlətimizin başçısı vurğulayıb ki, bu, ölkəmizdə iqtisadi dayanıqlılığın, güclü fiskal intizamın və əlverişli investisiya mühitinin səviyyəsini təsdiq edir. Xarici borcumuz ÜDM-in cəmi 6,5 faizini təşkil edir ki, bu da dünyada ən aşağı göstəricilərdən biridir. Azərbaycanın valyuta ehtiyatları xarici borcumuzdan təxminən 16 dəfə artıqdır.

---