Azərbaycanın xarici ticarət dövriyyəsinin müsbət saldosu açıqlanıb

2025-ci ilin yanvar-mart aylarında Azərbaycan xarici ölkələrlə 12 milyard 48,87 milyon ABŞ dolları dəyərində ticarət əməliyyatı aparıb.

FinFly Dövlət Gömrük Komitəsinə istinadən xəbər verir ki, bu, ötən ilin eyni dövrünə nisbətən 24,3 faiz çoxdur.

Xarici ticarət dövriyyəsinin 6 milyard 385,9 milyon ABŞ dolları ixracın, 5 milyard 662,97 milyon ABŞ dolları isə idxalın payına düşüb. Son 1 ildə ixrac 6,7 faiz, idxal isə 52,6 faiz artıb.

Son nəticədə xarici ticarətdə 722,93 milyon dollarlıq müsbət saldo yaranıb. Bu da illik müqayisədə 3,1 dəfə azdır.

---