Bakı-Tbilisi-Ərzurum boru kəməri ilə nəqletmə azalıb

2025-ci ilin yanvar-aprel aylarında Bakı-Tbilisi-Ərzurum Cənubi Qafqaz boru kəməri vasitəsilə 7,324 milyard kubmetr qaz ötürülüb.

FinFly xəbər verir ki, bu göstərici ötən ilin eyni dövrü ilə müqayisədə 162 milyon kubmetr və ya 2,2 faiz azdır.

Belə ki, 2024-cü ilin yanvar-aprel aylarında Bakı-Tbilisi-Ərzurum Cənubi Qafqaz boru kəməri vasitəsilə 7,486 milyard kubmetr qaz ötürülmüşdü.

Hesabat dövründə magistral qaz kəmərləri ilə 13,893 milyard kubmetr qaz nəql edilib və 2024-cü ilin yanvar-aprel aylarına nisbətən 2,2 faiz azalma müşahidə olunub.

---