Bakıda IX Beynəlxalq Bankçılıq Forumu keçiriləcək

IX Beynəlxalq Bankçılıq Forumu 2025 (IBF 2025) 19–20 noyabr 2025-ci il tarixlərində “Etibarlı, Təhlükəsiz və Davamlı Bankçılıq” mövzusunda Bakı Marriott Hotel Boulevard otelində keçiriləcək. Azərbaycan Banklar Assosiasiyası, Azərbaycan Mərkəzi Bankı və Rəqəmsal İnkişaf və Nəqliyyat Nazirliyi tərəfindən dəstəklənir.

Doqquz ildir keçirilən IBF, maliyyə sahəsinin liderlərini bir araya gətirərək bilik və təcrübə mübadiləsi, innovativ məhsulların təqdimatı, tərəfdaşlıqların qurulması və fintex, rəqəmsallaşma və ödəniş ekosistemi üzrə trendlərin dərin müzakirəsi üçün ideal platformadır.

IBF – Azərbaycanda bütün bankların rəhbərlərinin iştirak etdiyi yeganə maliyyə və bankçılıq tədbiridir. Azərbaycandan və xarici ölkələrdən tənzimləyici qurumlar, fintex şirkətləri, bank assosiasiyaları, beynəlxalq maliyyə institutları, xarici səfirliklər, akademik dairələr və nüfuzlu qərarvericiləri Forum bir araya gətirir. Qonşu ölkələrdən və beynəlxalq maliyyə mərkəzlərindən olan nümayəndə heyətlərinin aktiv iştirakı ilə IBF, regional və qlobal əməkdaşlıq platforması statusunu qoruyur.

Əsas proqramla yanaşı, seminarlar, vebinarlar, görüşlər və müsabiqələr də təşkil olunacaq, bu da iştirakçılar üçün daha dinamik və zəngin təcrübə təmin edəcəkdir.

---