Bakıda ödənişli xidmətlərin dəyəri artıb

2025-ci ilin yanvar-may aylarında Bakıda əhaliyə göstərilən ödənişli xidmətlərin dəyəri 3 milyard 613,9 milyon manat olub.

FinFly Bakı şəhər Statistika İdarəsindən əldə etdiyi məlumata görə, bu, 2024-cü ilin ilk 5 ayı ilə müqayisədə real ifadədə 11,8 faiz çoxdur.

Hüquqi şəxslər tərəfindən əhaliyə 3 milyard 133,3 milyon manatlıq xidmət göstərilib. Bu da xidmətlərin ümumi dəyərinin 86,7 faizini təşkil edib.

Qeyd edək ki, hesabat dövründə Azərbaycanda əhaliyə göstərilən ödənişli xidmətlərin dəyəri 2024-cü ilin müvafiq dövrü ilə müqayisədə real ifadədə 9,7 faiz artaraq 5 milyard 680,2 milyon manat olub.

---