Bankların kredit portfeli iki dəfədən çox artıb - ABA prezidenti

2024-cü ildə bank sektorunun aktivləri 2018-ci illə müqayisədə 80 faiz artaraq, 53 milyard manata çatıb. Bankların kredit portfeli son 7 ildə 125 faiz artaraq - 29,3 milyard manat təşkil edib.

FinFly xəbər verir ki, bunu Azərbaycan Banklar Assosiasiyasının prezidenti Zakir Nuriyev Birinci Beynəlxalq Kredit Hesabatlılığı Konfransında çıxışı zamanı deyib.

Onun sözlərinə görı, dövr ərzində vaxtı ötmüş kreditlərin həcmi əhəmiyyətli dərəcədə azalıb.

"Belə ki, 2018-ci illə müqayisədə bu kreditlərin həcmi 72% azalaraq, 449 milyon manata bərabər olub", - deyə Nuriyev əlavə edib.

---