Beynəlxalq Kənd Təsərrüfatı Sərgisinin sonuncu günü keçirilir

Bakıda sayca 18-ci Azərbaycan Beynəlxalq Kənd Təsərrüfatı Sərgisi ("Caspian Agro") və 30-cu yubiley Azərbaycan Beynəlxalq Qida Sənayesi Sərgisinin ("InterFood Azerbaijan") sonuncu - dördüncü günü öz işinə başlayıb.

FinFly xəbər verir ki, sərginin sonuncu günü olmasına baxmayaraq, yenə də aktivlik müşahidə olunur.

Belə ki, sərgidə müxtəlif ölkələrin kənd təsərrüfatı sektoru üzrə texnoloji həllərdən tutmuş toxumçuluq şirkətlərinə qədər məhsullarını təqdim etməsi iştirakçıların böyük marağına səbəb olub və bu da nəticədə iştirakçı sayına bilavasitə təsir edib.

Eyni zamanda, bu gün sərgi çərçivəsində keçiriləcək forum və panel sessiyalar da öz aktuallığı ilə xüsusi önəm kəsb edir.

---