2024-cü ildə Çindən digər ölkələrə tranzitlə Qazaxıstan ərazisindən keçən yüklərin ümumi həcmi 2013-cü ildən bəri rekord həddə çataraq - 15,4 milyon ton təşkil edib.
FinFly xəbər verir ki, bu barədə Qazaxıstan Maliyyə Nazirliyinin Dövlət Gəlirləri Komitəsinin (KDG) statistikası məlumat yayıb.
2023-cü illə müqayisədə artım 22 faiz təşkil edib. Bu göstərici ardıcıl 3 ildir ikirəqəmli templə artır, lakin müsbət dinamika tədricən zəifləyir: 2022-ci ildə artım 37 faiz, 2023-cü ildə isə 33 faiz olub.
Çin tranzit yüklərin göndəricisi kimi Qazaxıstan ərazisindən keçən ümumi daşımaların əsas hissəsini – 72 faizini təşkil edib. Əvəzində Çin yüklərin alıcısı kimi cəmi 2 faiz paya sahib olub.
Əsas mal qruplarına quru nəqliyyat vasitələri – 3,1 milyon ton, eləcə də elektrik maşınları və avadanlıqları – 1,2 milyon ton daxildir.
Çindən tranzit yüklərin artımında əsas alıcı ölkələrdən biri kimi Özbəkistan və Avropa İttifaqı mühüm rol oynayıb. Rusiya isə əksinə, Qazaxıstan üzərindən ümumi tranzit daşımalarındakı payını zəiflədib.
Son xəbərlər
-
05 Iyn, 2025Mask Trampı məyus etdi...
-
05 Iyn, 2025Çinlə iqtisadi əməkdaşlıq müzakirə olunub...
-
05 Iyn, 2025Azərbaycanın dövlət büdcəsinin profisitiartıb...
