Fiziki şəxslərin Azərbaycan banklarındakı əmanətlərinin dinamikası açıqlanıb

2025-ci ilin martın 1-nə Azərbaycan banklarında fiziki şəxslərin əmanətlərinin həcmi 14,8 milyard manat təşkil edib.

Bu barədə FinFly Mərkəzi Bankdan məlumat əldə edib.

AMB0nin məlumatına görə, əmanətlərin həcmi cari ilin fevralın 1-nə nisbətən 137,2 milyon manat və ya 1 faiz, ötən ilin analoji dövrü ilə müqayisədə isə 1,6 milyard manat və ya 12 faiz artıb.

Bu ilin martın 1-nə fiziki şəxslərin milli valyuta ilə banklarda əmanətlərinin həcmi 9,9 milyard manat, xarici valyuta ilə isə 4,9 milyard manat təşkil edib.

Milli valyuta ilə əmanətlərin həcmi bu ilin fevralın 1-i ilə müqayisədə 151,7 milyon manat və ya 1,5 faiz, illik müqayisədə isə 1,3 milyard manat və ya 16 faiz artıb.

Xarici valyuta ilə isə bu göstərici cari fevralın 1-nə olan rəqəmlərə nisbətən 14,5 milyon manat və ya 0,3 faiz azalıb, illik nisbətdə isə 215,4 milyon manat və ya 4,6 faiz artıb.

---