Gürcüstan - Ermənistan matçı dəhşətli məğlubiyyətlə başa çatdı

23 Mar, 2025 20:02

Martın 23-də Gürcüstan və Ermənistan milli komandaları arasında Millətlər Liqasının 2024/25 mövsümünün pley-off mərhələsinin cavab oyunu keçirilib.

Tbilisidəki Boris Paiçadze adına “Dinamo Arena” stadionunda keçirilən qarşılaşma Gürcüstanın millisinin böyük hesablı qələbəsi ilə başa çatıb – 6:1.

Qalib tərəfindən qollarını Otar Kiteişvili (27-ci dəqiqə), Giorgi Mikautadze (14 və 35), Giorgi Çakvetadze (23), Xviça Kvaratsxeliya (62), avtoqol isə erməni müdafiəçi Varazdat Aroyan (4-cü dəqiqə) vurub. 90 dəqiqə ərzində yeganə qolu Ermənistan futbolçusu Edqar Sevikyan 48-ci dəqiqədə vurub.

Martın 20-də İrəvanda baş tutan ilk görüşdə Gürcüstan komandası ilk qələbəsini qazanmağı bacarıb. Gürcüstan yığması o görüşdə qarşı tərəfin doğma meydanında 3:0 hesabı ilə məğlub edib.

Beləliklə, iki oyuna (9:1) əsasən, Gürcüstan komandası növbəti mövsüm Millətlər Liqasının B Divizionunda oynamaq hüququ əldə edib.