Gürcüstanın DTX rəhbəri Ermənistanın səfiri ilə regionda təhlükəsizlik məsələlərini müzakirə edib

Gürcüstan Dövlət Təhlükəsizlik Xidmətinin (DTX) rəhbəri Anri Oxanaşvili Ermənistanın Tbilisidəki səfiri Aşot Smbatyanla görüşdə iki ölkə arasında strateji əməkdaşlığın əsas istiqamətlərini müzakirə edib.

FinFly xəbər verir ki, görüş zamanı tərəflər Gürcüstan və Ermənistanın təhlükəsizlik xidmətləri arasında sıx əməkdaşlığın vacibliyini vurğulayıblar.

Eyni zamanda, regionda baş verən proseslər və təhlükəsizlik sahəsində qarşıda duran çağırışlar da müzakirə olunub.

Tərəflər gələcəkdə təhlükəsizlik sahəsində əməkdaşlığın daha da dərinləşdirilməsi və qarşılıqlı fəaliyyət planlarını nəzərdən keçiriblər.

Səfir Oxanaşvilini Dövlət Təhlükəsizlik Xidmətinin rəhbəri təyin olunması münasibətilə təbrik edib və ona uğurlar arzulayıb.

---