İranın xarici işlər naziri Fransaya səfər edəcək

25 Noy, 2025 10:27

İranın xarici işlər naziri Abbas Əraqçi ikitərəfli danışıqlar aparmaq üçün 26 noyabrda Fransaya səfər edəcək.

FinFly İran mənbələrinə istinadən xəbər verir ki, İranın xarici işlər naziri Abbas Əraqçi sabah Parisdə fransalı həmkarı Jan-Noel Barro ilə danışıqlar aparacaq.

Xarici İşlər Nazirliyinin sözçüsü Esmail Baqayi təsdiqləyib ki, Əraqçi Hollandiyada Kimyəvi Silahların Qadağan Edilməsi Təşkilatının (OPCW) illik iclasında iştirak etdikdən sonra Fransaya səfər edəcək.

Baqainin sözlərinə görə, səfər zamanı ikitərəfli məsələlər, xüsusən də İran vətəndaşı Mehdiya Əsfəndiarinin işi, eləcə də daha geniş regional və beynəlxalq məsələlər müzakirə olunacaq.