İsrailin müdafiə naziri Tehrana zərbələr endirmək əmrini verib

İsrailin müdafiə naziri İsrael Katz Tehrana zərbələr endirmək əmrini İranın atəşkəsi pozmasına cavab olaraq verdiyini bildirib.

FinFly bu barədə İsrail mediasına istinadən məlumat verir.

"İranın ABŞ prezidentinin elan etdiyi atəşkəs rejimini kobud şəkildə pozması və İsrailə raket zərbələri endirməsi fonunda və istənilən pozuntuya qətiyyətlə cavab vermək niyyətində olan İsrail hökumətinin siyasətinə uyğun olaraq, İsrail Müdafiə Qüvvələrinə Baş nazirlə koordinasiyalı şəkildə Tehrana intensiv hücumları davam etdirməyi tapşırmışam", – deyə Katz bildirib.

Bundan əvvəl İsrail ordusu İranın atəşkəs rejimini pozaraq İsrail ərazisinə raket zərbələri endirdiyini bildirib. Həmçinin bildirilib ki, İsrail Hərbi Hava Qüvvələri ələ keçirmə əməliyyatları aparır və “təhlükəni aradan qaldırmaq üçün lazım olan yerə zərbə endirmək” niyyətindədir.

---