İsveçrə 16-cı sanksiya paketi çərçivəsində Avropa İttifaqı tərəfindən təsdiq edilmiş bir sıra məhdudlaşdırıcı tədbirlər qəbul edərək, Rusiyaya qarşı sanksiyalar siyahısını genişləndirib.
FinFly xəbər verir ki, bu barədə hökumətin saytında yerləşdirilən məlumatda deyilir. Məlumata görə, sanksiyalar yerli vaxtla saat 22:00-da qüvvəyə minəcək.
35 şirkət və 48 fiziki şəxsin aktivlərinin və daşınmaz əmlakının dondurulacağı dəqiqləşib. Bu şirkətlərin rəhbərliyi və fiziki şəxslərin İsveçrəyə daxil olması və ya oradan tranzitlə səyahət etməsi də qadağandır. İsveçrə tərəfinin sözlərinə görə, sanksiyalar Rusiya hərbi kompleksinə dəstək verən şəxslərə də şamil edilir.
3 banka qarşı əməliyyatlara qadağa qoyulur, çünki onlar SWIFT sisteminə Rusiya alternativindən - Rusiya Federasiyası Mərkəzi Bankının Maliyyə Mesajlaşma Sistemindən (SPFS) istifadə edirlər. Daha 13 Rusiya bankına 2025-ci il martın 17-dən etibarən SWIFT sistemindən istifadə qadağan ediləcək.
İsveçrənin yeni məhdudiyyətləri siyahısına Rusiya Federasiyasının “kölgə donanmasının” bir hissəsi olduğu iddia edilən üçüncü ölkələrin 74 gəmisi də daxildir. Ticarət sahəsində daha 53 təşkilat üçün daha sərt ixrac nəzarəti tətbiq edilir.
Son xəbərlər
-
19 Apr, 2025Gürcüstan Azərbaycana kömək üçün müraciət edib...
-
19 Apr, 2025Azərbaycan mədəniyyət xərclərini artırıb...
-
19 Apr, 2025Azərbaycan Ordusunun mövqeləri atəşə tutulub...
