Mərkəzi Bank iqtisadi artım proqnozlarını yeniləyib

Azərbaycan Mərkəzi Bankı (AMB) bu il ölkə iqtisadiyyatının 3 faiz, o cümlədən qeyri-neft-qaz iqtisadiyyatının 4,2 faiz böyüyəcəyini proqnozlaşdırır.

FinFly xəbər verir ki, bunu AMB-nin sədri Taleh Kazımov rəhbərlik etdiyi qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib.

Bu ilin aprel ayında qurum 2025-ci ildə iqtisadi artımın 3,3 faiz, o cümlədən qeyri-neft-qaz sektoru üzrə 4,7 faiz olacağını açıqlamışdı.

Bundan başqa, sədr deyib ki, AMB gələn il ölkə iqtisadiyyatının 2,2 faiz, o cümlədən qeyri-neft-qaz iqtisadiyyatının 4,3 faiz böyüyəcəyini proqnozlaşdırır.

---