Moskvada keçiriləcək paradda hansı MDB ölkələri iştirak edəcək?

Ukrayna və Moldova istisna olmaqla, bütün MDB ölkələrinin liderləri Qələbə Günü Moskvaya gələcəklər.

FinFly xəbər verir ki, bunu Müstəqil Dövlətlər Birliyinin baş katibi Sergey Lebedev bildirib.

"MDB ölkələrinin bütün dövlət başçıları 9 May Paradında iştirak edəcək. İkisi istisna olmaqla...Təəssüf ki, Ukrayna və Moldova iştirak etməyəcək. Doqquz dövlət başçısı iştirak edəcək", - Lebedev mayın 9-da Moskvada keçiriləcək bayram mərasimində Birlik ölkələrinin dövlət və hökumət başçılarından hansının iştirak edəcəyi ilə bağlı sualı cavablandırarkən deyib.

---