Niderland provayderləri kiberhücuma məruz qalıb

Niderland provayderləri Çinli hakerlər qrupu “Salt Typhoon” tərəfindən kiberhücuma məruz qalıb.

FinFly xəbər verir ki, bu barədə Niderlandın Hərbi Kəşfiyyat və Təhlükəsizlik Xidməti (MİVD) məlumat yayıb.

Hədəf əsasən böyük telekommunikasiya şirkətləri yox, daha kiçik internet və hostinq provayderləri olub.

MİVD-nin bildirdiyinə görə, hakerlər provayderlərin modemlərinə giriş əldə ediblər, lakin şəbəkələrinə daxil olub şəxsi məlumatları oğurlaya bilməyiblər.

Kəşfiyyat xidməti qeyd edib ki, bu hücum mülki telekommunikasiya sektorunu hədəf alan geniş Çin kibercasusluq kampaniyasının bir hissəsidir.

---