OPEC ötən ay Azərbaycanda hasil olunan neftin həcmini açıqladı

OPEC-in son məlumatlarına əsasən, 2025-ci ilin iyun ayında Azərbaycanda xam neft hasilatı gündəlik təxminən 464 000 barrel təşkil edib.

FinFly xəbər verir ki, bu göstərici may üzrə rəqəmlərlə müqayisədə, demək olar ki, dəyişməyib və apreldə qeydə alınmış gündəlik 462 000 barreli az üstələyib.

Rüblər üzrə baxdıqda, 2024-cü ilin IV rübündə gündəlik orta hasilat 487 000 barrel təşkil edib, bu göstərici 2025-ci ilin I rübündə 467 000 barrelə enib və II rübdə də azalma tendensiyası davam edərək, 463 000 barel səviyyəsinə düşüb.

2025-ci ilin ilk yarısında Azərbaycanda ümumi neft və kondensat hasilatı 13,7 milyon ton təşkil edib ki, bu da ötən ilin eyni dövrü ilə müqayisədə 4,9 faiz azdır. Əsas hasilat həcmi ənənəvi olaraq Azəri-Çıraq-Günəşli və Şahdəniz yataqlarının payına düşür, bu arada SOCAR isə hasilat səviyyəsini əhəmiyyətli dərəcədə qoruyub saxlayır.

---