Özbəkistan Gürcüstanın Anaklia limanının inkişafında iştirak etməkdə maraqlıdır

Özbəkistan Anaklia dərin dəniz limanının inkişafında iştirak etməkdə maraqlı olduğunu bildirib.

FinFly-in Gürcüstanın İqtisadiyyat və Davamlı İnkişaf Nazirliyinə istinadən verdiyi məlumata görə, bu, Daşkənddə nazır Mariam Kvirivişvili ilə Özbəkistanın investisiya, sənaye və ticarət naziri Laziz Kudratov arasında keçirilən görüşdə məlum olub.

Tərəflər ikitərəfli ticarət-iqtisadi əməkdaşlığın əsas istiqamətlərini müzakirə ediblər. Gürcüstan nəqliyyat dəhlizi ilə Özbəkistan mallarının daşınmasına xüsusi diqqət yetirilib. Kvirivişvili Orta Dəhliz və müasir logistika infrastrukturunun, o cümlədən Anakliya limanının, Bakı-Tbilisi-Qars dəmir yolu xəttinin, dəmir yollarının modernləşdirilməsinin və Tbilisidə yeni hava limanının tikintisinin inkişafının vacibliyini vurğulayıb.

Görüş zamanı Özbəkistan həmçinin Aİ bazarına "yaşıl" enerji ixrac etməkdə və Qara dənizdən keçən sualtı kabel layihəsində iştirak etməkdə maraqlı olduğunu bildirib. Texnologiya, kənd təsərrüfatı, turizm və mülki aviasiya sahələrində əməkdaşlığın perspektivləri də müzakirə edilib.

---