Pakistan hərbi əməliyyatların dayandırılması şərtini açıqlayıb

Pakistan "Sindoor" hərbi əməliyyatını və digər aqressiv hərəkətləri dayandıracağı təqdirdə Hindistanla münaqişədə gərginliyi artırmayacaq.

FinFly xəbər verir ki, bu barədə Pakistanın müdafiə naziri Xavaca Asif Bloomberg televiziyasına müsahibəsində bildirib.

"Biz əvvəldən deyirdik ki, Hindistana qarşı heç bir şey etməyəcəyik. Hindistan geri çəkilsə, biz mütləq hərbi əməliyyatlarımızı azaldacağıq. Amma nə qədər ki, bizə hücum edilir, cavab verməli olacağıq, özümüzü müdafiə etməliyik", - Asif bildirib.

Bir sıra qarşılıqlı zərbələrdən sonra danışıqların mümkünlüyü barədə sualına nazir "belə təmaslardan xəbəri olmadığını" vurğulayıb.

---