Qazaxıstan Azərbaycana taxıl ixracını 116 dəfə artırıb

Qazaxıstan 2024-cü ilin sentyabrından 2025-ci ilin iyununadək Azərbaycana 707 min ton taxıl ixrac edib ki, bu da əvvəlki kənd təsərrüfatı mövsümünün eyni dövrü ilə müqayisədə 116 dəfə çoxdur.

FinFly bu barədə Qazaxıstan Kənd Təsərrüfatı Nazirliyinə istinadən xəbər verir.

Məlumata görə, 2024-cü ilin sentyabrından 2025-ci ilin iyununa qədər olan dövrdə 2024-cü ilin məhsulundan 9 milyon ton taxıl ixrac edilib (artım 1,6 dəfə). Əsas ixrac istiqamətləri Mərkəzi Asiya və qonşu ölkələrdir.

O cümlədən, hesabat dövründə Özbəkistana 3,3 milyon ton (artım 32 faiz), Tacikistana 1,2 milyon ton (+ 45 faiz), İrana 974 min ton (artım 17,5 dəfə), Azərbaycana 707 min ton (artım 116 dəfə), Əfqanıstana (artım 309 min ton) 64 faiz taxıl ixrac edilib.

2024-cü ildə Qazaxıstan 26 milyon ton taxıl yığıb, 2024-cü ildə məhsul ixracı proqnozu 12 milyon ton olacaq.

---