Qazaxıstan aviaşirkətləri Yaxın Şərqdə hərbi-siyasi vəziyyətin kəskin şəkildə gərginləşməsi fonunda Dubay və Dohaya uçuşları müvəqqəti dayandırıb.
FinFly xəbər verir ki, bu barədə Qazaxıstanın aviasiya administrasiyası məlumat yayıb.
Qərar İsrail, İran, İraq, İordaniya, Livan, Küveyt, Bəhreyn və BƏƏ də daxil olmaqla, regionun bir sıra ölkələrində hava məkanının bağlanması və ya məhdudlaşdırılması ilə əlaqədar qəbul edilib. Əsas təhlükələr silahdan mümkün istifadə, naviqasiyanın pozulması və hava hücumundan müdafiə sistemlərinin fəaliyyəti ilə bağlıdır ki, bu da mülki aviasiya uçuşlarını təhlükəli edir.
