Rusiya və Çin öz ödəniş infrastrukturunu yaratmaq üzərində işləyir

Rusiyanın Çindəki səfiri İqor Morqulov bildirib ki, Moskva və Pekin müstəqil ödəniş infrastrukturunun yaradılması istiqamətində əməkdaşlıq edir.

"Biz gələcəyə baxırıq və Qərbin maliyyə-bank sektorunda şərtlərini diktə etmək imkanlarını məhdudlaşdırmaq üçün müstəqil ödəniş infrastrukturunun formalaşdırılması üzərində işləyirik", – deyə Morqulov qeyd edib.

Səfirin sözlərinə görə, Rusiya maliyyə ismarıclarının ötürülməsi üzrə öz sistemini inkişaf etdirir.

O həmçinin əlavə edib ki, Çinin CIPS adlı transsərhəd sistemi mövcuddur və artıq bəzi Rusiya bankları bu sistemə qoşulub.

---